Read Batak Simalungun PSALMEN 101 Bible Online

PSALMEN 101 - Batak Simalungun bible

PSALMEN 101

¹Humbani si Daud. Sada Psalm. Sihol do dodingkononku pasal habujuron ampa uhum; Bamu, ale Jahowa, sihol do ahu mamuji-muji.

²Sihol paruhurhononku do parlahou na sintong. Antigan do Ham roh marayak ahu? Sihol do marparlahou na sintong ahu i tongah ni jabungku. [1246]

³Seng ra ahu mannahkon na masambor i lobei ni matangku; magigi do ahu bani horja panlanggaron, seng dais sisonai bangku. [1247]

⁴Daoh do humbangku uhur hagedukon, na masambor seng hutanda. [1248]

⁵Halak na marhata tundal bani hasomanni, hupasip do, halak parmata na epes ampa sigijang uhur, seng huharosuhkon. [1249]

⁶Sai mangkawah do matangku dompak sibujur uhur ni nagori in, ase marianan sidea rapkon ahu; halak na mardalan bani hadaulaton, ai do siparugas bangku. [1250]

⁷Seng bulih marianan i rumahku sihorjahon panipuon; halak sihatahon ladung, seng boi jongjong i lobei ni panonggorhu. [1251]

⁸Siap sogod do husiapkon parjahat na i nagori in, laho mamboiskon hun huta ni Jahowa sagala sihorjahon hajahaton. [1252]