Read Batak Simalungun PSALMEN 11 Bible Online

PSALMEN 11 - Batak Simalungun bible

PSALMEN 11

¹Bani pambobai koor. Humbani si Daud. Marlingod bani Jahowa do ahu, mase ma ihatahon nasiam hu bangku, “Habang ma ho hu dolog songon manuk-manuk!” [114]

²Ai tonggor ma, domma isintak parjahat siorni, ipasang panahni bani talini, laho manembak ibagas na golap halak sipintor uhur. [115]

³Anggo maseda palas, aha ma boi ibahen halak parpintor? [116]

⁴Marianan do Jahowa ibagas rumah-Ni na pansing ai, i nagori atas do paratas ni Jahowa; manatap do panonggor-Ni, sai ipareksa pangkirdop ni mata-Ni do anak ni jolma in. [117]

⁵Jahowa do siuji halak parpintor pakon parjahat; idomdomi do halak na mangkarosuhkon odoh-odoh. [118]

⁶Iudan-udan halak parjahat marhitei apuy pakon hirtah, logou na milas do parbagianan bani panginumanni. [119]

⁷Ai pintor do Jahowa anjaha ihaholongi do hapintoron; idahon ni halak parpintor do bohi-Ni. [120]