Read Batak Simalungun PSALMEN 110 Bible Online

PSALMEN 110 - Batak Simalungun bible

PSALMEN 110

¹Humbani si Daud. Sada Psalm. Nini Jahowa do hubani tuanku; Hundul ma ho husiamun-Kon, paima Hubahen munsuhmu gabe sidogeian ni naheimu. [1402]

²Tungkot kuasamu surdukkonon ni Jahowa do hun Sion: Mamarentah ma ham i tongah-tongah ni munsuhmu! [1403]

³Marurup ma bangsamu roh humbani megah ni uhurni bani ari parporanganmu, marpakeian na ma pansing songon namur hubani abingan ni buha siang ari, roh balamu na maposo hu bamu. [1404]

⁴Domma marbija Jahowa anjaha seng anjai solsolan-Ni diri-Ni: Malim do ho ronsi sadokah ni dokahni domu songon si Melkisedek. [1405]

⁵Tuhan do i siamunmu, irosaki do raja-raja bani arini manringis. [1406]

⁶Manguhum do Ia itongah-tongah ni bangsa-bangsa, gabe radag ma bangkei; irosaki do ulu bani sampalan bolag. [1407]

⁷Humbani bah na i topi dalan do Ia minum, marhitei ai gabe dirgak ma uluni. [1408]