Read Batak Simalungun PSALMEN 12 Bible Online

PSALMEN 12 - Batak Simalungun bible

PSALMEN 12

¹Bani pambobai koor. Domu hubani na paualuhkon. Psalm ni si Daud.

²Urupi Ham ma, ale Jahowa, ai seng dong be halak na daulat; lambin otik do halak na bujur uhur i tongah-tongah ni anak ni jolma. [121]

³Sai ladung do isahapkon samah sidea, marbibir na landit anjaha mardua uhur do sidea marsahap. [122]

⁴Sai ijabir Jahowa ma sagala bibir na landit, pakon haganup dilah na toal marsahap,

⁵na mangkatahon, “Monang do hanami ibahen dilahnami, bibirnami do mangkasomani hanami, ise ma nani tuannami?” [123]

⁶Mangidah hasosakan ni halak na madoyuk pakon hoih ni halak na masombuh, ai do ase jongjong Ahu sonari, nini Jahowa, “Berehonon-Ku ma haluahon bani halak na mangarapkonsi.” [124]

⁷Sagala hata ni Jahowa hata na sintong do ai, usih songon pirak na nilala ibagas balanga, anjaha ipapitah pitu hali. [125]

⁸Ham Jahowa, sai parorot Ham ma sidea, sai ondingi Ham ma hanami marimbang bangsa on ronsi sadokah ni dokahni. [126]

⁹Inggot marhujai-hujon do halak parjahat, sanggah manomboh hajahaton i tongah-tongah ni anak ni jolma. [127]