Read Batak Simalungun PSALMEN 127 Bible Online

PSALMEN 127 - Batak Simalungun bible

PSALMEN 127

¹Doding laho tangkog. Humbani si Salomo. Anggo seng Jahowa na pauli rumah, soya-soya do halojaon ni halak na manukangi; anggo seng Jahowa na manramotkon huta, sisoya-soya do parrundaon ni halak parjaga.

²Sisoya-soya do age girah hanima puho anjaha dokah borngin ase modom, mangankon ruti na hinalojahon bani na hinaholongan-Ni do ibere sanggah modom. [1576]

³Tonggor ma, silayak-layak ni Jahowa do anak, sada upah do buah ni partapaan. [1577]

⁴Songon lingkit ibagas tangan ni puanglima, sonai do anak ibagas haposoon.

⁵Martuah ma dalahi na manggoki parlingkitanni bani sisonai, seng tumaram maila ia anggo marsahap pakon imbangni i horbangan.