Read Batak Simalungun PSALMEN 130 Bible Online

PSALMEN 130 - Batak Simalungun bible

PSALMEN 130

¹Doding laho tangkog. Humbani hasosakan bagas do ahu, doruh-doruh Bamu, ale Jahowa. [1587]

²Ham Tuhan, tangihon Ham ma sorangku, sai ipardiatei pinggol-Mu ma sora ni elek-elekkon. [1588]

³Anggo ihira Ham ganup dousa, ale Jahowa, ise ma na tahan jongjong, ale Jahowa? [1589]

⁴Tapi Bamu do hasasapan ni dousa, ase ihabiari halak Ham. [1590]

⁵Mangarap do ahu bani Jahowa, mangarap do tonduyhu, hata-Ni do na hupaima-ima.

⁶Siholan do tonduyhu bani Tuhan, lobih humbani sihol ni parjaga bani siang ni ari, bani siang ni ari tongon.

⁷Arapkon ma Jahowa, ale Israel! Ai bani Jahowa do idop ni uhur, anjaha buei do haluahon Bani.

⁸Tongon, Ia do na paluahkon Israel, humbani haganup dousani. [1591]