Read Batak Simalungun PSALMEN 137 Bible Online

PSALMEN 137 - Batak Simalungun bible

PSALMEN 137

¹I topi ni bah na i Babel, ijai do hundul-hundul anjaha tangis hanami, sanggah mardingat hanami bani Sion. [1627]

²Bani hayu baringin na ijai ai, igantungkon hanami do husapinami.

³Ai ijai do ipindo na manaban hanami pabogeihononnami dodingnami, anjaha halak na mangarsik-arsik hanami mangindo doding malas uhur, “Dodingkon hanima ma bennami sada doding Sion!”

⁴Sonaha ma boi dodingkononnami doding bani Jahowa i tanoh ni halak na legan?

⁵Anggo lupa ahu bam, ale Jerusalem, age melus ma tanganku siamun; [1628]

⁶longkot ma dilahku bani langit-langitku, anggo lang huingat ho, anggo lang Jerusalem hubahen i atas ni ganup malas ni uhur.

⁷Ingat Ham ma, ale Jahowa, ginompar ni Edom, na mangkatahon bani ari partaban ni Jerusalem, “Parseda, parseda ma, das bani palas-palasni!” [1629]

⁸Ale boru Babel, ho na parsedahon! Martuah ma halak na mambalaskon bam, sagala na binahenmu bennami. [1630]

⁹Martuah ma halak na manangkap anakmu, anjaha na manampakkon ai bani dolog batu. [1631]