Read Batak Simalungun PSALMEN 138 Bible Online

PSALMEN 138 - Batak Simalungun bible

PSALMEN 138

¹Humbani si Daud. Tarima kasih do hatahononku Bamu, ale Jahowa, humbani gok ni uhurhu; dodingkononku do Ham i lobei ni parnagori atas.

²Manrogop do ahu dompak rumah-Mu na pansing in, pujionku do goran-Mu, halani idop ni uhur-Mu ampa hasintongan-Mu, ai ipabanggal Ham do goran-Mu ampa bagah-bagah-Mu mangatasi haganup. [1632]

³Sanggah dilo-dilo ahu, ibalosi Ham do ahu; itambahi Ham do gogoh bani tonduyhu.

⁴Sai Ham ma pujion ni ganup raja-raja ni tanoh on, ale Jahowa, anggo ibogei sidea ma hata ni pamangan-Mu. [1633]

⁵Dodingkonon ni sidea do pasal dalan ni Jahowa, ai banggal do hasangapon ni Jahowa.

⁶Tongon, timbul do Jahowa, tapi itatap do halak na malumat; halak sigijang uhur, humbani na daoh pe domma itanda. [1634]

⁷Mardalan pe ahu i tongah-tongah ni hasosakan, Ham do na pagoluh ahu; iolatkon Ham do tangan-Mu dompak gila ni munsuhku, anjaha ipaluah Ham do ahu marhitei tangan-Mu siamun.

⁸Jahowa do na pasaloseihon bangku. Ham Jahowa, ronsi sadokah ni dokahni do idop ni uhur-Mu. Ulang ma tadingkon Ham jadi-jadian ni tangan-Mu. [1635]