Read Batak Simalungun PSALMEN 14 Bible Online

PSALMEN 14 - Batak Simalungun bible

PSALMEN 14

¹Bani pambobai koor. Humbani si Daud. Nini halak na oto do ibagas uhurni, “Seng dong Naibata.” Bajan anjaha sambor do pambahenan ni sidea, sahalak pe lang sibahen na madear. [132]

²Manatap-natap do Jahowa hun nagori atas, paidah-idah anak ni jolma laho mangidah atap dong do na maruhur, sipindahi Naibata. [133]

³Haganup do sidea kahou, haganupan seng margagan, sahalak pe lang sibahen na madear, sahalak pe lang dong. [134]

⁴Seng marpambotoh nani sagala halak sihorjahon na jahat, na mangankon bangsang-Ku songon na mangan ruti, anjaha na so ongga mardilo Jahowa? [135]

⁵Tapi maningon tarsonggot do sidea use, ai ihasomani Jahowa do ginompar ni halak parpintor. [136]

⁶Iparseda nasiam pe sura-sura ni halak na madoyuk, tapi Jahowa do parlingodanni. [137]

⁷ Ah, sai roh ma haluahon bani Israel hun Sion! Anggo suang ma ibahen Jahowa bangsa-Ni, marolob-olob ma Jakob anjaha marmalas ni uhur Israel. [138]