Read Batak Simalungun PSALMEN 141 Bible Online

PSALMEN 141 - Batak Simalungun bible

PSALMEN 141

¹Psalm humbani si Daud. Ham Jahowa, dilo-dilo do ahu Bamu, tarolos ma Ham roh bangku; tangar Ham ma sorangku sanggah dilo-ilo ahu Bamu!

²Doskon dahupa ma tonggongku i lobei-Mu, anjaha panatang ni tanganku songon galangan bodari. [1659]

³Bahen Ham ma, ale Jahowa, panjaga bani pamanganku, anjaha ramotkon Ham ma labah ni bibirhu. [1660]

⁴Sai ulang ma lopas Ham teleng uhur hubani na jahat, laho mandalankon horja hajahaton rap pakon halak sihorjahon na masambor; ulang ma lopas Ham ahu mangan humbani sipanganon ni sidea na mantin.

⁵Anggo ibogbog anjaha iuhum halak parpintor ahu, holong do ai bangku, tapi minak ni halak parjahat ulang ma dais bani ulungku, ai mangimbang hajahaton ni sidea do tongtong tonggongku. [1661]

⁶Anggo iondoskon sidea bani halak na manguhum sidea, jadi botohon ni sidea ma na sintong do hata ni Jahowa.

⁷Songon hayu na itaha, mangkamistak ompak-ompak i tanoh, sai sonai ma merap holi-holi ni sidea bani babah ni nagori toruh.

⁸Tapi Bamu do, ale Tuhan Jahowa, mangkawah matangku; Bamu do ahu maporus, ulang ma useihon Ham tonduyhu. [1662]

⁹Ramotkon Ham ma ahu humbani jarot, na tinaon ni sidea bangku, ampa humbani tirangkap ni parjahat.

¹⁰Sai madabuh ma raprap halak parjahat hubagas godung ni sidea, tapi anggo ahu lopus ma hunjai. [1663]