Read Batak Simalungun PSALMEN 142 Bible Online

PSALMEN 142 - Batak Simalungun bible

PSALMEN 142

¹Doding podah humbani si Daud, sanggah ibagas liang ia. Sada tonggo. [1664]

²Maling do sorangku dilo-dilo bani Jahowa, gogoh do sora ni elek-elekku bani Jahowa.

³Huuseihon do susah ni uhurhu hu lobei-Ni, hupabotohkon do hasosakanku Bani.

⁴Galek do tonduyhu ibagas diringku, tapi Ham do na pabotoh-botoh langkahku. Bani dalan sibontasonku, itaon sidea do siding ponop bangku. [1665]

⁵Mangkawah ahu dompak siamun, tonggor ma, sahalak pe seng dong na parduli bangku; seng dong be haporusan bangku, seng dong be na manungkun pasal goluhku.

⁶Hu Bamu do ahu dilo-dilo, ale Jahowa, ningku, “Ham do parlingodanku, rupeihu bani tanoh ni halak na manggoluh.” [1666]

⁷Pardiateihon Ham ma doruh-doruhku, ai galek tumang do huahap; paluah Ham ma ahu humbani na marburu ahu, ai gogohan do sidea ase ahu. [1667]

⁸Paluah Ham ma ahu humbani tutupan, ase hupuji goran-Mu; halak parpintor do na sihol manlioti ahu, anggo ibahen Ham na madear bangku. [1668]