Read Batak Simalungun PSALMEN 15 Bible Online

PSALMEN 15 - Batak Simalungun bible

PSALMEN 15

¹Psalm ni si Daud. Ham Jahowa, ise do na boi tondok bani lampolampo-Mu? Ise do na malo marianan bani dolog-Mu na pansing in? [139]

²Ai ma halak na so panurakon bani parlahouni, sidalankon hapintoron, halak siluarhon na pintor ibagas uhurni; [140]

³na so manrisai marhitei dilahni, na so mangkorjahon na jahat dompak hasomanni, anjaha na so parohkon habadoron bani sinkutani; [141]

⁴na mangkagigihon halak na pinabali, tapi na pasangapkon halak na mangkabiari Jahowa, na so mosei ia humbani bijani age rugi ia marhitei ai; [142]

⁵na so ra paanakkon duitni laho mangonsop, na so ra manjalo sisip laho mangimbang na so marsalah. Halak na mangkorjahon na sonai ai, seng anjai targompang sadokah ni dokahni. [143]