Read Batak Simalungun PSALMEN 19 Bible Online

PSALMEN 19 - Batak Simalungun bible

PSALMEN 19

¹Bani pambobai koor. Psalm ni si Daud.

² Haganup do langit mambaritahon hamuliaon ni Naibata, anjaha hajangkajang mangambilankon pambahenan ni tangan-Ni. [202]

³Ari na sada patugahkon ai bani ari na sada nari, borngin na sada padaskon ai bani borngin na sada nari;

⁴seng marhasoman hata, seng marhasoman sahap, anjaha seng tarbogei sorani, [203]

⁵age sonai torus do sorani bani sab tanoh on anjaha sahapni das hu ujung ni dunia on. Ijai ipauli do lampolampo bani mata ni ari, [204]

⁶na mandarat humbani kamarni songon siparunjuk, anjaha na marolob-olob songon puanglima marayak sidalananni. [205]

⁷Poltak do ia humbani ujung ni langit na sada, anjaha mardalan das bani ujung ni na sada nari, aha pe lang na ponop humbani milasni. [206]

⁸Gokan dear do titah ni Jahowa, boi pahinsah uhur; sintong do hasaksian ni Jahowa; iparuhuri do na bulus uhur. [207]

⁹Pintor do titah ni Jahowa, boi pamalas uhur; pitah do titah ni Jahowa, ipalihar do pangidah. [208]

¹⁰Biar dompak Jahowa ai do na pansing, anjaha totap ronsi sadokah ni dokahni; aturan ni Jahowa ai do na sintong, anjaha pintor do haganupan. [209]

¹¹Harganan do ai ase omas, ase buei omas na pinapitah, tobunan do ai ase manisan ni lobah, humbani tobu-tobu ni huramah. [210]

¹²Juakjuak-Mu pe dapotan sipasingat do marhitei ai; dapotan upah banggal do halak na mangkorjahon ai.

¹³ Hakahouon -- ise ma na mangartihon ai? Paluah Ham ma ahu humbani salah na ponop! [211]

¹⁴Ramotkon Ham ma juakjuak-Mu humbani gijang ni uhur, ase ulang irajai ahu, jadi seng be dong sihataon bangku, gabe borsih ma ahu humbani panlanggaron na banggal. [212]

¹⁵Sai harosuhkon Ham ma hata ni pamanganku ampa pamingkir-mingkirion ni uhurhu, Ham Jahowa, batar-batarhu ampa sipaluah ahu. [213]