Read Batak Simalungun PSALMEN 2 Bible Online

PSALMEN 2 - Batak Simalungun bible

PSALMEN 2

¹Mase sai oga-oga bangsa sipajuh begu-begu, anjaha na so marnidok ipingkiri bangsa-bangsa? [7]

²Jongjong do raja-raja ni tanoh on, anjaha manriah do na sangap-sangap, laho mangimbang Jahowa pakon na mininakan-Ni. [8]

³“Rutuskon hita ma gari ni sidea, anjaha ambukkon hita ma tali ni sidea hun banta.” [9]

⁴Ipartatawai na marhotak i nagori atas ai do sidea, anjaha mapas do Tuhan bani sidea. [10]

⁵Lanjar marsahap ma Ia dompak sidea ibagas ringis-Ni, anjaha isonggoti sidea ibagas gila-Ni. [11]

⁶“Ahu do pabangkit rajang-Ku i Sion, dolog-Ku na ma pansing in.” [12]

⁷Patugahonku ma na dob tinotapkon ni Jahowa: Domma ihatahon Jahowa bangku, “Anak-Ku do ho, sadari on do ho Hutubuhkon! [13]

⁸Pindo ma hun Bangku, ase Hubere sagala bangsa gabe tean-teanan bam, anjaha ujung ni tanoh on, ho simadasi. [14]

⁹Ropukan-Mu do sidea marhitei simambu bosi, anjaha rosakkononmu do songon hudon tanoh.” [15]

¹⁰Ai pe, nasiam sagala raja, paruhurhon nasiam ma ai, sai ra ma nasiam paingaton, nasiam sagala panguhum ni tanoh on.

¹¹Balosi nasiam ma Jahowa marhasoman biar, anjaha summah nasiam ma nahei-Ni marhasoman hitir, [16]

¹²ase ulang roh ringis-Ni gabe magou nasiam i tongah dalan, ai urah do gajag ringis-Ni. Martuah do sagala na marhatengeran Bani. [17]