Read Batak Simalungun PSALMEN 20 Bible Online

PSALMEN 20 - Batak Simalungun bible

PSALMEN 20

¹Bani pambobai koor. Psalm ni si Daud.

²Sai ibalosi Jahowa ma ham bani panorang hasosakan, goran ni Naibata ni si Jakob ma manramotkon ham! [214]

³Sai itongos ma bamu pangurupion humbani ianan na ma pansing in, janah sai itungkol ma ham hun Sion.

⁴Sai mardingat ma Ia bani galanganmu, anjaha sai iharosuhkon ma galangan situtungonmu. Sela.

⁵Sai ibere ma hu bamu harosuh ni uhurmu, anjaha ipasaud ma sura-suramu, [215]

⁶ase marsurak-surak hanami halani hamonanganmu, anjaha manaikkon mandera mangunsagahkon goran ni Naibatanta; sai ipasaud Tuhan ma sagala pangindoanmu. [216]

⁷Sonari pe hubotoh, paboa sai ipamonang Jahowa do na mininakan-Ni, sai ibalosi do ia humbani surga-Ni na pansing in, marhitei haluahon, na binahen ni tangan siamun-Ni na gogoh in. [217]

⁸Ia sidea gareta pakon huda do iunsagahkon, tapi anggo hita goran ni Jahowa Naibatanta do pangajamanta. [218]

⁹Rebad do sidea anjaha mangkatompas, tapi anggo hita puho do use anjaha jongjong totap.

¹⁰Ham Jahowa, urupi Ham ma raja in, balosi Ham ma hanami, sadihari dilo-dilo hanami Bamu.