Read Batak Simalungun PSALMEN 25 Bible Online

PSALMEN 25 - Batak Simalungun bible

PSALMEN 25

¹Humbani si Daud. Hu Bamu do Jahowa, hudompakkon tonduyhu. [266]

²Ham Naibatangku, hu Bamu do ahu martenger ni uhur, ulang ma lopas Ham ahu tarbador, ulang ma marsurak-surak munsuhku mangidah ahu. [267]

³Tongon, seng anjai tarbador sagala na marnalom ni uhur Bamu; tapi maningon tarbador do halak pangeluk na so ingkat marhala. [268]

⁴Ham Jahowa, pabotohkon Ham ma hu bangku dalan Mu, ajarhon Ham ma hu bangku lapang-Mu. [269]

⁵Sai togu Ham ma ahu ibagas hasintongan-Mu, ajari Ham ma ahu; ai Ham do Naibata ni hatuahonku, Ham do hupanalom ganup ari. [270]

⁶Sai ingat Ham ma, ale Jahowa, sagala dear ni layak-Mu pakon idop ni uhur-Mu, ai humbani nabasaia nari do in.

⁷ Sai ulang ma padingat-dingat Ham dousa haposoonku pakon panlanggaronku, sai ingat Ham ma ahu romban hubani idop ni uhur-Mu, halani dear ni layak-Mu, Ham Jahowa. [271]

⁸Layak anjaha bonar do Jahowa, halani ai ipatuduh do dalan na pintor bani pardousa. [272]

⁹Itogu-togu do halak na madoyuk mardalan ibagas hasintongan, anjaha iajarhon do dalan-Ni bani halak na masombuh. [273]

¹⁰Sagala dalan ni Jahowa idop ni uhur do ai ampa hasintongan, bani halak na manramotkon padan-Ni pakon hasaksian-Ni. [274]

¹¹Halani goran-Mu, Ham Jahowa, sasap Ham ma dousangku, ai banggal do in. [275]

¹²Ise do halak na mangkabiari Jahowa? Hubani do ajarhonon-Ni dalan sipilihon-Ni. [276]

¹³Tonduy-Ni marianan do bani hasonangan, anjaha ginomparni do manean tanoh on. [277]

¹⁴Udung do uhur ni Jahowa bani na mangkabiari-Si, ipabotohkon do padan-Ni bani sidea. [278]

¹⁵Sai mangkawah do matangku dompak Jahowa, ai Ia do paluahkon naheihu humbani siding. [279]

¹⁶Dompakkon Ham ma ahu, maidop ma uhur-Mu bangku, ai lungunan anjaha madoyuk do ahu. [280]

¹⁷Palumbang Ham ma ahu humbani hasosakan ni uhurhu, paluah Ham ma ahu humbani hasunsahanku.

¹⁸Kawahkon Ham ma hadoyukonku pakon hangalutonku, sasap Ham ma haganup dousangku. [281]

¹⁹Tonggor Ham ma, buei do munsuhku, anjaha parah do pandomdomini sidea bangku. [282]

²⁰Ramotkon Ham ma tonduyhu anjaha paluah Ham ma ahu, ulang tarbador ahu, ai Bamu do ahu marlingod. [283]

²¹Sai hapansingon ampa hapintoron ma manramotkon ahu, ai Bamu do ahu marhatengeran. [284]

²²Ham Naibata, sai paluah Ham ma Israel, humbani haganup hasosakanni. [285]