Read Batak Simalungun PSALMEN 27 Bible Online

PSALMEN 27 - Batak Simalungun bible

PSALMEN 27

¹Humbani si Daud. Jahowa do panondang pakon haluahon bangku, mintor bani ise ma mabiar ahu? Jahowa do batar-batar ni goluhku, bani ise ma ahu gobir? [294]

²Sanggah roh parjahat mandorab ahu laho mangankon dagingku, ai ma imbangku pakon munsuhku, jadi mangkatompas anjaha marrageian ma sidea. [295]

³Anggo roh bala mamorang ahu, seng mabiar uhurhu, age roh porang dompak ahu, sai tenger do uhurhu. [296]

⁴Sada do hupindo humbani Jahowa, ai do na hupindahi, ase boi ahu marianan i rumah ni Jahowa sadokah manggoluh ahu, laho paidah-idah hinajenges ni Jahowa, laho marsombah i rumah-Ni. [297]

⁵Ai iondingi do ahu ibagas lampolampo-Ni bani ari hamagouan; bani parponopan ibagas lampolampo-Ni ai, ipagijang do ahu hu atas dolog batu, [298]

⁶gabe mandirgak ma ulungku nuan i atas ni munsuhku na manginggoti ahu; halani ai galangkononku ma galangan ibagas lampolampo-Ni, ai ma galangan puji-pujian, mandoding anjaha mamuji-muji ma ahu bani Jahowa. [299]

⁷Tangihon Ham ma, ale Jahowa, sorangku na hudilohon on, maidop ma uhur-Mu bangku, anjaha balosi Ham ma ahu.

⁸Ihusipkon uhurhu, sonon do Nimu, “Pindahi hanima ma bohing-Ku!” Bohi-Mu ma tongon na hupindahi, alo Jahowa. [300]

⁹Ulang ma ponopkon Ham bohi-Mu dompak ahu, ulang ma tulak Ham juakjuak-Mu ibagas ringis-Mu; Ham do pangurupingku, ulang ma pabali Ham ahu, anjaha ulang ma tadingkon Ham ahu, Ham Naibata ni hatuahonku.

¹⁰Domma itadingkon bapa pakon inang ahu, tapi itampin Jahowa do ahu. [301]

¹¹Ajarhon Ham ma bangku dalan-Mu, ale Jahowa, togu Ham ma ahu bani dalan hanopan halani imbang-imbangku. [302]

¹²Ulang ma ondoskon Ham ahu hubagas ringis ni munsuhku, ai jongjong do mangimbang ahu saksi parladung, sisompulhon hajahaton. [303]

¹³Totap do hubotoh, sai idahonku do hinadear ni Jahowa, i tanoh ni halak na manggoluh. [304]

¹⁴Parhanalom ma Jahowa, pagomos anjaha patoguh ma uhurmu. Nai ma, parhanalom ma Jahowa. [305]