Read Batak Simalungun PSALMEN 36 Bible Online

PSALMEN 36 - Batak Simalungun bible

PSALMEN 36

¹Bani pambobai koor. Humbani si Daud, juakjuak ni Naibata.

²Marhusipi do dousa ibagas uhur ni parjahat; seng dong biar dompak Naibata bani parjahat. [429]

³Ai iipuk-ipuk do dirini ibagas uhurni, paboa seng anjai tardapot hajahatonni atap hagigihononkon ia. [430]

⁴Guak pakon ladung do hata-hata ni pamanganni; domma mangadi ia mandalankon horja hasintongan ampa na madear.

⁵Na jahat do hansa ipingkiri i podomanni, idompakkon do dalan na masambor; seng ihagigihon hajahaton. [431]

⁶Ham Jahowa, sundol do ronsi langit idop ni uhur-Mu, anjaha hasintongan-Mu das do bani hombun. [432]

⁷Songon dolog ni Naibata do toguh ni hapintoron-Mu, anjaha songon bah ni laut na so tarsibar do panguhum-Mu. Ham do sipaluah jolma pakon pinahan, ale Jahowa. [433]

⁸Mantin ni in idop ni uhur-Mu Ham Naibata, i linggom ni habong-Mu do marlingod anak ni jolma; [434]

⁹ibosuri sidea do dirini bani taboh-taboh ni rumah-Mu, ipainum Ham do sidea humbani bah harosuh-Mu, [435]

¹⁰ai i lambung-Mu do bah tubuh hagoluhan, ibagas haliharon-Mu ididah hanami haliharon. [436]

¹¹Torus ma patuduhkon Ham idop ni uhur-Mu bani na mananda Ham, ampa hasintongan-Mu bani sibujur uhur. [437]

¹²Sai ulang ma mangonai bangku tunjang-tunjang ni sigijang uhur, sai ulang ma iusir tangan ni halak parjahat ahu.

¹³Gobir anjaha mangkatompas do sihorjahon hajahaton, ijombahon do sidea, anjaha seng tarbahensi be jongjong. [438]