Read Batak Simalungun PSALMEN 4 Bible Online

PSALMEN 4 - Batak Simalungun bible

PSALMEN 4

¹Bani pambobai koor. Marhasoman husapi. Psalm ni si Daud.

²Anggo dilo-dilo ahu, balosi Ham ma ahu, Ham Naibata, Sipintori ahu. Domma ipalumbang Ham ahu ibagas hasosakanku, sai maidop ma uhur-Mu bangku anjaha tangihon Ham ma tonggongku. [27]

³Nasiam dalahi, sadiha dokah nari mapas uhur nasiam pasambor samborhon hasangaponku, sadiha dokah nari haholongan nasiam na so marguna anjaha pindahan nasiam ladung? Sela. [28]

⁴Botoh nasiam ma, domma ipilih Jahowa sada haholongan-Ni Bani. Itangihon Jahowa do anggo hudilo Ia. [29]

⁵Boi do manggila, tapi ulang mardousa. Marpingkir-pingkir ma nasiam ibagas uhur bani podoman nasiam, tapi sipsip ma nasiam. Sela. [30]

⁶Galangkon ma galangan na sintong, anjaha ajamkon ma Jahowa. [31]

⁷Buei do na mangkatahon, “Ise ma na manumpakkon na madear banta?” Sondangkon Ham ma sinalsal ni bohi-Mu bennami, Ham Jahowa. [32]

⁸Bueinan do malas ni uhur ibere Ham hubagas uhurhu, marimbang malas ni uhur ni sidea sanggah pariama omei pakon pariama anggur na junah. [33]

⁹Ibagas damei hupatibal diringku lanjar sinok, ai Ham do hansa Jahowa na mambahen sonang ahu marianan. [34]