Read Batak Simalungun PSALMEN 43 Bible Online

PSALMEN 43 - Batak Simalungun bible

PSALMEN 43

¹Pintori Ham ma ahu, ale Naibata, patorsa Ham ma parkarangku marimbang bangsa na so daulat; paluah Ham ma ahu humbani halak panipu pakon pargeduk. [539]

²Ai Ham do Naibata parlingodanku, mase ma itulak Ham ahu? Mase ma maningon martujung-tujung ahu mardalan halani odoh-odoh ni munsuhku? [540]

³Tongos Ham ma haliharon-Mu ampa hasintongan-Mu; ase itogu anjaha ibobai ahu bani dolog-Mu na pansing in ampa hubani ianan-Mu; [541]

⁴gabe boi das ahu hu anjapanjap ni Naibata, hubani Naibata ni hamegahonku, ase marolob-olob ahu anjaha hupuji Ham marhitei husapi, Ham Jahowa Naibatangku! [542]

⁵Mase ma sai unduk ho tonduyhu anjaha rusak ibagas diringku? Arapkon ma Naibata, ai sai na pujionku ope Ia, Sipaluah bangku, anjaha Naibatangku. [543]