Read Batak Simalungun PSALMEN 46 Bible Online

PSALMEN 46 - Batak Simalungun bible

PSALMEN 46

¹Bani pambobai koor. Humbani ginompar ni si Korah. Inggouni: Alamot. Sada doding.

²Naibata do haporusan ampa hagogohon banta, pangurupi banggal tongon bani panorang hasosakan. [575]

³Halani ai seng anjai mabiar hita, age pe mosor tanoh on, anjaha munjom dolog hu tongah-tongah ni laut, [576]

⁴age pe marhasak anjaha marguboh bahni, anjaha dugur dolog ibahen gunsangni. Sela! [577]

⁵Adong sada bah bolon, bahni pamegahkon huta ni Naibata, ianan tang na pansing bani Sitimbulan in. [578]

⁶Naibata do i tongah-tongahni, seng anjai doyuk huta in, manlele siang ope domma iurupi Naibata ia. [579]

⁷Geor pe sagala bangsa anjaha dugur sagala harajaon, tapi marsora honsi Ia malala ma tanoh on.

⁸ Jahowa Zebaot do hasomanta, Naibata ni si Jakob do batar-batar banta. Sela. [580]

⁹Eta, roh ma nasiam mangidah horja ni Jahowa, na parohkon songgot-songgot i atas tanoh on, [581]

¹⁰na pasohkon parmunsuhan das hu ujung ni tanoh on, na mambahen marponggolan sior, maropuk tanja, na manutungi gareta porang ibagas apuy. [582]

¹¹Parontihon hanima ma, anjaha tanda ma, paboa Ahu do Naibata, na timbul i tongah-tongah ni bangsa-bangsa, timbul i tanoh on.

¹² Jahowa Zebaot do hasomanta, anjaha Naibata ni si Jakob do batar-batar. Sela.