Read Batak Simalungun PSALMEN 47 Bible Online

PSALMEN 47 - Batak Simalungun bible

PSALMEN 47

¹Bani pambobai koor. Humbani ginompar ni si Korah. Sada Psalm.

²Nasiam sagala bangsa, martopap-topap ma nasiam; puji nasiam ma Naibata marhitei doding olob-olob. [583]

³Ia Jahowa, na timbul na majombut in, Ia do Raja Bolon bani sab dunia on. [584]

⁴Ipatunduk do bangsa-bangsa hubagas kuasanta, ampa suku ni bangsa hutoruh ni naheita. [585]

⁵Ipilih do banta na gabe siteanonta, hatimbulon bani si Jakob, na hinaholongan-Ni in. Sela. [586]

⁶Domma naik Naibata marhasoman olob-olob, Jahowa marhasoman sora ni tarompit. [587]

⁷Dodingkon nasiam ma Naibata, dodingkon ma; dodingkon nasiam ma Rajanta in, dodingkon ma!

⁸Ai Naibata do Raja ni sab tanoh on, dodingkon nasiam ma doding puji-pujian. [588]

⁹Raja do Naibata bani bangsa-bangsa, hundul do Naibata i atas paratas-Ni na pansing in. [589]

¹⁰Martumpu do na sangap-sangap ni sagala bangsa songon bangsa ni Naibata ni si Abraham, Naibata do simada gantar ni tanoh on, timbul tumang do Ia. [590]