Read Batak Simalungun PSALMEN 48 Bible Online

PSALMEN 48 - Batak Simalungun bible

PSALMEN 48

¹Sada doding. Psalm humbani ginompar ni si Korah.

²Banggal do Jahowa anjaha sipujion botul ibagas huta ni Naibatanta, dolog-Ni na pansing in. [591]

³Na jenges manjurjur hubabou, ai ma malas ni uhur ni sab tanoh on, Dolog Sion in, daoh hampit utara, ai ma huta ni sada raja na bolon. [592]

⁴Naibata ibagas rumah-Ni patandahon diri-Ni songon batar-batar. [593]

⁵Tonggor ma, martumpu do raja-raja, marsada ni uhur laho mandorab. (2 Raj. 19)

⁶Ijin ididah sidea longang ma sidea, anjaha bajoraon lanjar maporus.

⁷Godor-godor ma sidea ijai, mangarou songon naboru na laho tubuhan tuah. [594]

⁸Marhitei logou na hun hapoltakan, irosaki Ham do kapal na hun Tarsis. [595]

⁹Songon na dob binogeinami, sonai do ididah hanami bani huta ni Jahowa Zebaot, ibagas huta ni Naibatanta, na patotapkon ai ronsi sadokah ni dokahni. Sela. [596]

¹⁰Idingat hanami do idop ni uhur-Mu, Ham Naibata, ibagas rumah-Mu. [597]

¹¹Songon goran-Mu, Ham Naibata, sonai do hamuliaon-Mu das hu ujung ni tanoh on, gok hapintoron do tangan-Mu siamun.

¹²Marmalas ni uhur do Dolog Sion, marolob-olob do boru Juda halani panguhumion-Mu. [598]

¹³Inggoti nasiam ma Sion anjaha lioti nasiam ma, bilangi nasiam ma manarani.

¹⁴Papangkei nasiam ma tembokni, bontas nasiam ma benteng-bentengni, ase boi ituri-turihon nasiam bani sundut na mangihut.

¹⁵Tongon, Naibata on do Naibata ronsi sadokah ni dokahni, Ia do na manogu-nogu hita. [599]