Read Batak Simalungun PSALMEN 52 Bible Online

PSALMEN 52 - Batak Simalungun bible

PSALMEN 52

¹Bani pambobai koor. Doding podah humbani si Daud,

²sanggah roh si Doeg, halak Edom ai patugahkon bani si Saul, nini hu bani, “Domma das si Daud hu rumah ni si Ahimelek.” [647]

³Mase marmegah-megah ho ibagas hajahaton, ale puanglima, parkuasa na mabisang, manlawan halak na daulat ganup ari? [648]

⁴Hamagouan do iuhurhon ho, songon pisou parsuhur do marot ni dilahmu, ho ale sihorjahon pangoto-otoion. [649]

⁵Holongan do uhurmu bani na jahat ase bani na madear, bani hata ladung ase hata hasintongan. Sela.

⁶Sai iharosuhkon ho do bagei ni hata hasedaon, sonai age dilah panipuon.

⁷Tapi reongkonon ni Naibata do ho sadokah ni dokahni, tangkapon-Ni anjaha saradon-Ni do ho humbani lampolampomu, dokdokon-Ni do hun tanoh ni halak na manggoluh. Sela.

⁸Idahon ni halak parpintor ma ai lanjar mabiar, tatawaan ni sidea ma ia, nini, [650]

⁹“Tonggor ma halak an, na so mambahen Naibata batar-batarni, na martenger ni uhur bani buei ni habayakonni, anjaha na mangenjeng ibagas hajahatonni.” [651]

¹⁰Tapi anggo ahu songon hayu jetun na ratah do i rumah ni Naibata; martenger ni uhur do ahu bani idop ni uhur ni Naibata ronsi sadokah ni dokahni. [652]

¹¹Sai pujionku do Ham, ai Ham do sibahen ai, ronsi sadokah ni dokahni, halani ipasaud Ham ai; sai baritahononku do goran-Mu halani hadearonni, i lobei ni halak na niidopan-Mu. [653]