Read Batak Simalungun PSALMEN 53 Bible Online

PSALMEN 53 - Batak Simalungun bible

PSALMEN 53

¹Bani pambobai koor. Loguni: Mahalat. Doding podah humbani si Daud.

²Nini halak na oto do ibagas uhurni, “Seng dong Naibata.” Bajan anjaha sambor do pambahen ni sidea, sahalak pe lang sibahen na madear.

³Manatap-natap do Jahowa hun nagori atas dompak anak ni jolma, mangidah atap dong do na maruhur, sipindahi Naibata.

⁴Haganup do sidea kahou, haganupan seng margagan, sahalak pe lang sibahen na madear, sahalak pe lang dong.

⁵Seng marpambotoh nani sagala halak sihorjahon hajahaton, na mangankon bangsang-Ku songon na mangan ruti, anjaha na so ongga mardilo Jahowa?

⁶Tapi maningon tarsonggot do sidea use, age pe seng dong na manonggoti, ai Naibata do na mangerap holi-holi ni halak na mangkubu ho, sai na tarbador do sidea, ai domma iambukkon Naibata sidea. [654]

⁷Ah, sai roh ma haluahon ni Israel, hun Sion! Anggo suang ma ibahen Naibata bangsa-Ni, marolob-olob ma Jakob anjaha marmalas ni uhur Israel.