Read Batak Simalungun PSALMEN 54 Bible Online

PSALMEN 54 - Batak Simalungun bible

PSALMEN 54

¹Bani pambobai koor. Marhasoman husapi. Doding podah humbani si Daud,

²sanggah roh halak Sipi hubani si Saul mangkatahon, “Ai lang i lambungnami do marponop si Daud?” [655]

³Ham Naibata, paluah Ham ma ahu, halani goran-Mu, pintori Ham ma ahu marhitei hagogohon-Mu. [656]

⁴Tangihon Ham ma tonggongku, Ham Naibata! Paeleng Ham ma pinggol-Mu manangihon sahap ni pamanganku! [657]

⁵Ai hehe do halak na jungkat mangimbang ahu, anjaha sihorjahon paksa mangindahi hosahku; seng mardingat sidea bani Naibata. Sela. [658]

⁶Tonggor ma, Naibata do pangurupi bangku, Tuhan do siramotkon hosahku.

⁷Balaskon Ham ma hajahaton in bani imbang-imbangku, siapkon Ham ma sidea halani hasintongan-Mu.

⁸Marhasoman malas ni uhur boanonku ma galangan hu Bamu, pujionku ma goran-Mu, Ham Jahowa, ai dear do in, [659]

⁹ai ipaluah do ahu humbani sagala hasosakan, anjaha sombuh matangku mangidah sagala munsuhku. [660]