Read Batak Simalungun PSALMEN 56 Bible Online

PSALMEN 56 - Batak Simalungun bible

PSALMEN 56

¹Bani pambobai koor. Inggouni: Asas bani hayu Teberinta na madaoh. Humbani si Daud, sanggah itangkap halak Palistim ia i huta Gat. [676]

²Maidop ma uhur-Mu bangku, Ham Naibata, ai sihol atahon ni jolma do ahu, ganup ari iporang anjaha isosak sidea do ahu. [677]

³Sihol atahon ni imbangku do ahu ganup ari, buei do sidea na mangimbang ahu.

⁴Sanggah mabiar ahu, sai hu Bamu do ahu martenger ni uhur.

⁵ Mangunsagahkon Naibata sai pujionku do hata-Ni, Naibata do huajamkon, seng mabiar ahu, mintor kahuaon ni jolma ma ahu? [678]

⁶Ari-ari do ipabalik sidea hatangku; sagala pingkiran ni sidea dompak ahu sihol pasamborhon do.

⁷Martumpu-tumpu do sidea manggompangi, ipardiatei do langkah-langkahku laho manguhurhon hosahku.

⁸Seng anjai maluah sidea halani hajahatonni na buei in. Sampakkon Ham ma bangsa-bangsa in ibagas ringis-Mu, Ham Naibata! [679]

⁹Domma isuratkon Ham parawat-awatanku, domma ipatumpu Ham iluhku hubagas tatabu-Mu; ai lang domma ibukuhon Ham ai? [680]

¹⁰Maningon surut do hu pudi sagala munsuhku anggo dilo-dilo ahu; tangkas do hubotoh paboa Naibata do mangkasomani ahu. [681]

¹¹Mangunsagahkon Naibata, pujionku do hata-Ni, mangunsagahkon Jahowa pujionku do hata-Ni. [682]

¹²Marhatengeran bani Naibata do ahu, seng mabiar ahu, mintor kahuanon ni jolma ma ahu? [683]

¹³Ham Naibata, marutang bagah-bagah do ahu Bamu, sai galaronku do galangan banggal ni uhurhu hu Bamu, [684]

¹⁴ai domma ipaluah Ham hosahku humbani hamatean, sonai homa naheihu pe humbani partolsuan, gabe boi mardalan ahu i lobei ni Naibata, ibagas sondang hagoluhan. [685]