Read Batak Simalungun PSALMEN 6 Bible Online

PSALMEN 6 - Batak Simalungun bible

PSALMEN 6

¹Bani pambobai koor. Marhasoman husapi. Domu hubani na paualuhkon. Psalm ni si Daud.

²Ham Jahowa, ulang uhum Ham ahu ibagas ringis-Mu, ulang bogbog Ham ahu ibagas gila-Mu. [47]

³Maidop ma uhur-Mu bangku, Ham Jahowa, halani hagalekonku; pamalum Ham ma ahu Jahowa, ai hitir-hitir do holi-holingku. [48]

⁴Rusak tumang do tonduyhu ibagas, tapi Ham Jahowa, sadiha dokah nari do? [49]

⁵Marulak-ulakan ma uhur-Mu, Ham Jahowa, paluah Ham ma tonduyhu, sai paluah Ham ma ahu, halani idop ni uhur-Mu. [50]

⁶Halani bani hamatean seng dong halak na mardingat Ham, i nagori toruh, ise ma na mamuji Ham? [51]

⁷Loja do huahap ibahen hoih-hoihku, siap borngin do bonsot podomanku hubahen, marhitei iluhku marbah do tilamku hubahen. [52]

⁸Solong do matangku halani pusok ni uhurhu, roh galekni do ai halani halak na manosak ahu. [53]

⁹Surut ma nasiam humbangku, sagala sihorjahon hajahaton, ai itangihon Jahowa do sora ni tangis-tangisku.

¹⁰Domma itangihon Jahowa hoihku; ijalo Jahowa do tonggongku.

¹¹Sai tarbador anjaha tarsonggot tumang do sagala munsuhku; tarolos do sidea surut, tarmela sompong. [54]