Read Batak Simalungun PSALMEN 61 Bible Online

PSALMEN 61 - Batak Simalungun bible

PSALMEN 61

¹Bani pambobai koor. Marhasoman husapi. Humbani si Daud.

²Tangihon Ham ma, ale Naibata, elek-elekku; parimbagaskon Ham ma tonggongku. [725]

³Humbani ujung ni tanoh on do dilo-dilo ahu Bamu ibagas uhurhu; togu Ham ma ahu hu dolog batu, na magijangtu bangku. [726]

⁴Ai Ham do parlingodan bangku, batar-batar na toguh dompak munsuh. [727]

⁵Sihol do ahu marianan bani lampolampo-Mu sadokah ni dokahni, sihol do ahu marlingod i toruh ni linggom ni habong-Mu. Sela. [728]

⁶Tongon, Ham Naibata, itangar Ham do bagah-bagahku, domma ibere Ham hu bangku parbagianan ni sihabiari goran-Mu.

⁷Tambahi Ham ma ganjang ni ari-ari hubani goluh ni raja in, sai marsundut-sundut ma tahun ni goluhni. [729]

⁸Sai marhotak ma ia i lobei ni Naibata sadokah ni dokahni, idop ni uhur ampa hasintongan ma bahen Ham manramotkonsi. [730]

⁹Ase hudodingkon ma goran-Mu tongtong, anjaha hugalari bagah-bagahku ganup ari. [731]