Read Batak Simalungun PSALMEN 62 Bible Online

PSALMEN 62 - Batak Simalungun bible

PSALMEN 62

¹Bani pambobai koor. Hubani si Jedutun. Psalm humbani si Daud.

²Pitah mangkawah bani Naibata tumang do mambahen marhasonangan tonduyhu, humbani do roh haluahonku. [732]

³Pitah Ia do dolog batu pakon hatuahon bangku, Ia do batar-batar bangku, seng anjai tompas ahu. [733]

⁴Piga dokah nari do sai dorab-dorab hanima bani sada halak, sihol manrumbakkonsi, ee hanima haganup, songon bani dingding na sihol jomba, bani tembok na sihol tompas? [734]

⁵Manriahi do sidea laho manjulakkonsi humbani hagijangonni, rosuh do sidea bani ladung; marhitei pamanganni mamasu-masu sidea, hape mamapai do sidea ibagas uhurni. Sela. [735]

⁶Pitah bani Naibata do ho marhasonangan, ale tonduyhu, ai hun Bani do roh pangarapanku. [736]

⁷Pitah Ia do dolog batu pakon hatuahon bangku, Ia do batar-batarhu, seng anjai tompas ahu. [737]

⁸Bani Naibata do maronjolan hatuahonku pakon hamuliaonku, batu gingging hagogohon bangku, ianan parlingodanku, ai ma Naibata. [738]

⁹Sai hu Bani ma nasiam martenger ni uhur, ale jolma, lungkari ma uhur nasiam i lobei-Ni, Naibata do haporusan banta. Sela. [739]

¹⁰Hosah tumang do anak ni jolma, sipaoto-oto anak ni manisia, ibagas timbangan mintor do sidea bonggal hu atas, hampungan do sidea humbani hosah tene. [740]

¹¹Ulang ma nasiam marpangajaman bani kuasa, ulang homa mangenjeng bani barang rampasan! Martambah-tambah pe habayakon, ulang ma dompak jai uhurmu! [741]

¹²Sahali marhata Naibata, dua pahara na tartangar ahu: Gok bani Naibata do hagogohon, [742]

¹³anjaha gok Bamu do Tuhan, idop ni uhur: Ham do mambalaskon bani pambahenanni. [743]