Read Batak Simalungun PSALMEN 64 Bible Online

PSALMEN 64 - Batak Simalungun bible

PSALMEN 64

¹Bani pambobai koor. Psalm ni si Daud.

²Tangihon Ham ma, alo Naibata, sorangku marhitei tangis-tangisku, ramotkon Ham ma goluhku humbani songgot-songgot ni munsuh!

³Sai dingdingi Ham ma ahu dompak riah ni parjahat, dompak hageoron, na binahen ni halak na jungkat, [753]

⁴na pamarot dilahni songon podang, na papinsur hatani na marbisa songon panah, [754]

⁵laho manembak halak na so marsalah humbani parponopan; sompong do sidea manembak seng maralang-alang. [755]

⁶Putus do uhur ni sidea mangkorjahon hajahaton, manriah do sidea manaon siding ponop-ponop, nini sidea, “Ise ma mangidah ai?” [756]

⁷Hajahaton do ipingkiri sidea, ponop ibahen sidea ranggian ni sidea. Ah, ise ma na boi mandadap parbagas ampa uhur ni sidea jolma? [757]

⁸Tapi itembak Naibata do sidea marhitei panah; na so panagaman do sidea ihonai.

⁹Majomba do sidea ibahen halani sahap-sahap ni sidea, mupir-upir do sagala na mangidah sidea. [758]

¹⁰Jadi mabiar ma haganup halak; baritahonon ni sidea ma pambahenan ni Naibata, anjaha mangahap sidea bani na binahen-Ni. [759]

¹¹Marmalas ni uhur ma halak parpintor ibagas Jahowa, anjaha hu Bani ma ia marlingod, sai marmegah-megah ma haganup sipintor uhur. [760]