Read Batak Simalungun PSALMEN 67 Bible Online

PSALMEN 67 - Batak Simalungun bible

PSALMEN 67

¹Bani pambobai koor. Marhasoman husapi. Sada Psalm, sada doding.

²Naibata ma na mangidopi hanami anjaha na mamasu-masu hanami, Ia ma na manondangkon bohi-Ni hu bennami, [785]

³ase ibotoh halak na i tanoh on dalan-Mu, anjaha ibotoh sagala bangsa hatuahon-Mu. [786]

⁴Sai pujion ni sagala bangsa do Ham, ale Naibata, sai pujion ni sagala bangsa do Ham. [787]

⁵Sai marmalas ni uhur anjaha marolob-olob do sagala bangsa, halani Ham do na manguhum bangsa-bangsa ibagas hapintoron, anjaha Ham do na manogu-nogu sagala bangsa i atas tanoh on. Sela. [788]

⁶Sai pujion ni sagala bangsa do Ham, ale Naibata, sai pujion ni sagala bangsa do Ham.

⁷Domma ibere tanoh gogohni, ipasu-pasu Jahowa, Naibatanta do hita. [789]

⁸Ipasu-pasu Jahowa do hita, jadi mabiar ma ganup ujung ni tanoh on mangidah-Si. [790]