Read Batak Simalungun PSALMEN 76 Bible Online

PSALMEN 76 - Batak Simalungun bible

PSALMEN 76

¹Bani pambobai koor. Marhasoman husapi. Psalm humbani si Asap. Sada doding.

²Tarbarita do Naibata i Juda, timbul do goran-Ni i Israel. [932]

³Adong do i Salem lampolampo-Ni, anjaha i Sion ianan-Ni.

⁴Ijai do iponggolhon panah na marapuy. Sonai gantar, podang pakon parugas marmunsuh. Sela. [933]

⁵Marhidoratan anjaha marmuliaan do Ham, humbani dolog sisadokah ni dokahni. [934]

⁶Hona taban do halak na barani marmunsuh, renges do sidea modom, anjaha sagala puanglima lenduk tanganni. [935]

⁷Halani asup-asup-Mu, alo Naibata ni si Jakob, renges do modom pargareta sonai ge hudani.

⁸Jombut tumang do Ham, mintor ise ma na pag jongjong i lobei-Mu bani panomboh ni ringis-Mu? [936]

⁹Hun nagori atas do ipabogeihon Ham uhur-Mu, gabe mabiar ma tanoh on anjaha jonong, [937]

¹⁰bani panorang ni Naibata jongjong mandabuh uhum, laho paluahkon na madoyuk i tanoh on. Sela.

¹¹Tongon, ringis ni jolma pe gabe puji-pujian do Bamu, anjaha igonditkon Ham do Bamu teba-teba ni ringis ni sidea.

¹²Bahen ma bagah-bagahmu anjaha galari ma ai bani Jahowa Naibatamu. Nasiam sagala na manginggotisi, padas nasiam ma sombah-sombah Bani Na Majombut in. [938]

¹³Ia do na paunduk paruhuron ni na sangap-sangap, marjumbalang do Ia bani parkuasa ni tanoh on. [939]