Read Batak Simalungun PSALMEN 8 Bible Online

PSALMEN 8 - Batak Simalungun bible

PSALMEN 8

¹Bani pambobai koor. Domu hubani Gitit. Psalm ni si Daud.

²Ham Jahowa, Tuhannami, sangapni in goran-Mu bani sab tanoh on, Ham do na mannahkon hamuliaon-Mu bani langit. [72]

³Humbani pamangan ni dakdanak pakon na inuman iadongkon Ham do hagogohon halani munsuh-Mu, laho pasipkon imbang-Mu ampa sipambalas. [73]

⁴Anggo hukawahkon langit-Mu pakon horja ni jari-jari-Mu, bulan pakon sagala bintang na pinauli-Mu, [74]

⁵mintor aha ma nani jolma in ase pala ingaton-Mu ia, ampa anak ni manisia in ase ihargahon Ham ia? [75]

⁶Ijadihon Ham do ia otik toruhan humbani Naibata, anjaha isortalihon Ham do hubani hamuliaon pakon hatunggungon. [76]

⁷Ipabangkit Ham do ia mamarentah jadi-jadian ni tangan-Mu, ipatunduk Ham do haganup hu toruh ni naheini: [77]

⁸biribiri pakon lombu haganup, ampa binatang harangan; [78]

⁹manuk-manuk na i awang-awang pakon dengke na i laut, haganup tene na manjulur i longkit-longkit ni laut. [79]

¹⁰Ham Jahowa Tuhannami, sangapni in goran-Mu bani sab tanoh on.