Read Batak Simalungun PSALMEN 81 Bible Online

PSALMEN 81 - Batak Simalungun bible

PSALMEN 81

¹Bani pambobai kor. Marhasoman Gitit. Humbani si Asap.

²Olobkon ma Naibata, hagogohonta in, marsurak ma bani Naibata ni si Jakob.

³Mandoding ma, pahata tambur, giut ma husapi na laingan ampa arbap.

⁴Sompul ma tanduk bani poltak ni bulan, bani bulan tula, ari pestanta in. [1023]

⁵Ai aturan do in bani Israel, parentah ni Naibata bani si Jakob.

⁶Sada paraturan do in ibahen bani si Josep, sanggah na bingkat Ia mandorab Masir. Hubogei do sora na so hutanda hinan:

⁷Hubuat do siporsanon humbani abaramu, anjaha maluah do tanganmu humbani karanjang. [1024]

⁸Dilo-dilo do ho sanggah hasosakan gabe Hupaluah; marbalos do Ahu bam humbani hombun na marlonggur; Hulajou do ho ilambung ni Bah Meriba. Sela. [1025]

⁹Tangar ma, ale bangsang-Ku, sihol do paingaton-Ku ho; ale Israel, sai ra ma ho manangihon! [1026]

¹⁰Lang malo dong naibata na legan i tongah-tongahmu, ulang sombah naibata ni bangsa na legan. [1027]

¹¹Ahu do Jahowa Naibatamu, na patangkog ho hun Masir; patanggak ma pamanganmu ase Hugoki! [1028]

¹²Tapi seng itangihon bangsang-Ku sorang-Ku, anjaha seng ibalosi Israel Ahu.

¹³Jadi Hupaturut ma ia bani hengkeng ni uhurni, gabe iihut-ihut ma rosuh ni uhurni. [1029]

¹⁴Ambit Ahu itangihon bangsang-Ku, anjaha Israel mardalan bani dalan-Ku:

¹⁵Podas ma patundukon-Ku munsuhni, anjaha dompakkonon-Ku tangan-Ku bani imbangni. [1030]

¹⁶Halak na mandomdomisi maningon marsombah do hu bani, anjaha panorangni ronsi sadokah ni dokahni. [1031]

¹⁷Bahenon-Ku do sidea mangan gandum sijengesan, anjaha pabosuron-Ku sidea bani manisan na hun dolog batu. [1032]