Read Batak Simalungun PSALMEN 82 Bible Online

PSALMEN 82 - Batak Simalungun bible

PSALMEN 82

¹Psalm humbani si Asap. Jongjong do Naibata bani humpulan ni naibata-naibata, mandabuh uhum do Ia bani naibata-naibata. [1033]

²Piga dokah nari pagedukonnima uhum, anjaha apitannima parjahat? Sela. [1034]

³Papintor hanima ma uhum bani halak na malumat ampa na tading maetek, ondingi hanima ma halak na madoyuk ampa na musil. [1035]

⁴Paluah ma halak na malumat pakon na masombuh. paluah hanima ma sidea humbani tangan ni parjahat.

⁵Seng dong na binotoh ampa pangartian ni sidea, bani na golap do sidea mardalan, dugur ma onjolan ni tanoh on. [1036]

⁶Domma namin Huhatahon, “Naibata-naibata do hanima, anak ni Na Tang Sitimbulan in do hanima ganup.” [1037]

⁷Age pe sonai maningon do matei hanima songon jolma, anjaha targompang songon sada halak na sangap. [1038]

⁸Jongjong ma Ham, ale Naibata, uhum Ham ma tanoh on, ai Ham do simada sagala bangsa.