Read Batak Simalungun PSALMEN 87 Bible Online

PSALMEN 87 - Batak Simalungun bible

PSALMEN 87

¹Humbani ginompar ni si Korah. Sada Psalm. Sada doding. I atas ni dolog na ma pansing do ipajonam in. [1080]

²Holongan do uhur ni Jahowa mangidah horbangan ni Sion humbani sagala ianan ni Jakob. [1081]

³Na mulia-mulia do ibaritahon pasal Ham ale huta ni Naibata. Sela.

⁴Hutarsingati do Masir pakon Babel hubani na mananda Ahu; sonai Palistim, Tirus ampa Etiopia: sagala on do itubuhkon ijai. [1082]

⁵Tapi pasal Sion hatahononkon do, “Haganup do tubuh ijai, anjaha Ia, Na Tang Sitimbulan in do patotapkonsi.”

⁶Hiraon ni Jahowa do sanggah mantingkihon bangsa-bangsa: On do itubuhkon ijai. Sela. [1083]

⁷Anjaha dodingkonon ni sidea do marhasoman tortor: Ibagas Ham do bah tubuhku ganup. [1084]