Read Batak Simalungun PSALMEN 88 Bible Online

PSALMEN 88 - Batak Simalungun bible

PSALMEN 88

¹Sada doding. Psalm humbani ginompar ni si Korah. Bani pambobai koor. Inggouni: Almahalat. Doding podah humbani si Heman, halak Esrahi.

²Ham Jahowa, Naibata ni hatuahonku, dilo-dilo do ahu arian, anjaha hu lobei-Mu do ahu roh borngin.

³Sai das ma tonggongku hu lobei-Mu, sai paeleng Ham ma pinggol-Mu bani doruh-doruhku. [1085]

⁴Domma sampur uhur hubani sitaronon, domma darngos goluhku bani nagori toruh. [1086]

⁵Doskon halak na manuruk tanoman mando ahu, songon paramangon na so margolle. [1087]

⁶Doskon na dob matei do ahu ihira, songon halak na dob tarbunuh ragei ibagas tanoman, ai ma halak na so nidingat-Mu be, na dob sirang humbani kuasa-Mu.

⁷Domma ipatibal Ham ahu hubagas godung sibagasan, hubagas hagolapan, hubagas luhung tene.

⁸Sai idondoni ringis-Mu do ahu, anjaha sagala gilumbang-Mu mangodohkon ahu. Sela. [1088]

⁹Domma ipaganggang Ham humbangku sagala huanku, domma ibahen Ham hagigi ahu bani sidea, tarhurung do ahu anjaha seng boi mandarat. [1089]

¹⁰Domma marholok matangku halani hadoyukon, Ham do Jahowa hupadilo-dilo ganup ari, hupaherbang do tanganku hu Bamu. [1090]

¹¹Ai mambahen halongangan do Ham bani na dob matei? Ai puho do halinoh mamuji Ham? Sela. [1091]

¹²Ai ambilankononkon do idop ni uhur-Mu ibagas tanoman atap hasintongan-Mu i nagori toruh? [1092]

¹³Ai botohon ni halak ope halongangan-Mu bani ianan na golap, atap hapintoron-Mu bani ianan parlupaan? [1093]

¹⁴Tapi ahu, hu Bamu do ahu dilo-dilo, Ham Jahowa, anjaha sogod-sogod do tonggongku roh manjumpahkon Ham. [1094]

¹⁵Mase ma itulak Ham ahu, ale Jahowa, anjaha iponopkon Ham bohi-Mu humbangku?

¹⁶Madoyuk do ahu anjaha narus-narus matei humbani hadakdanakonku, manaron do ahu bani songgot-songgot-Mu, mandolei ahu ibahen. [1095]

¹⁷Ibontas milas ni ringis-Mu do ahu, bois do ahu ibahen panonggoti-Mu.

¹⁸Iinggoti sidea do ahu songon bah ganup ari, idorab ahu inggot.

¹⁹Ipaganggang Ham do humbangku huan pakon hasomanku, sagala halak na hutanda ibagas hagolapan do. [1096]