Read Batak Simalungun PSALMEN 93 Bible Online

PSALMEN 93 - Batak Simalungun bible

PSALMEN 93

¹Jahowa do Raja, marpakeian hamuliaon do Ia. Marpakeian anjaha margonditkon hagogohon do Jahowa. Tongon, ipajonam do dunia on, seng anjai dugur. [1173]

²Totap do paratas-Mu humbani nabasaia, humbani mula ni mulani domma dong Ham. [1174]

³Marbanggal do bah, Ham Jahowa, maling do pardosong ni bah, doras tumang do parhasakni. [1175]

⁴Gogohan marimbang parhasak ni bah marbanggal. gogohan marimbang pargilumbang ni laut, lobih markuasaan do Jahowa i nagori atas.

⁵Hasaksian-Mu, tongon do tarhatengerhon, hapansingon do na patut bani rumah-Mu, Ham Jahowa ronsi sadokah ni dokahni. [1176]