Read Batak Simalungun PSALMEN 97 Bible Online

PSALMEN 97 - Batak Simalungun bible

PSALMEN 97

¹Jahowa do Raja. Marsurak-surak ma tanoh on, marmalas ni uhur ma sagala pulou! [1217]

²Hombun ampa na golap marimpot-impot do manginggoti-Si, hapintoron pakon uhum do onjolan ni hotak-Ni. [1218]

³Mardalan do apuy i lobei-Ni, laho mamboiskon imbang-Ni inggot. [1219]

⁴Hilap-Ni do manondangi dunia on, ididah tanoh ma ai gabe dugur.

⁵Dolog-dolog malala songon lilin i lobei ni Jahowa, i lobei ni Tuhan ni sab tanoh on. [1220]

⁶Langit mangambilankon hapintoron-Ni, anjaha sagala bangsa mangidah hamuliaon-Ni. [1221]

⁷Maila do sagala sisombah gana-gana, halak na marmogah-mogah bani sisombahonni; ningon marsombah Bani do sagala naibata-naibata. [1222]

⁸Mambogei ai marmalas ni uhur ma Sion, marolob-olob boru Juda, halani panguhum-Mu, ale Jahowa. [1223]

⁹Ai Ham do, ale Jahowa, Sitimbulan i atas ni sab tanoh on. Gijang tumang do Ham i atas ni sagala naibata. [1224]

¹⁰Ihaholongi Jahowa do na mangkagigihon na masambor. Ia do na manramotkon tonduy ni na hinaholongan-Ni, anjaha ipaluah do sidea humbani tangan ni parjahat. [1225]

¹¹Marsinalsal do na lihar bani halak parpintor, anjaha malas ni uhur bani sibujur uhur. [1226]

¹²Marmalas ni uhur na nasiam, ale parpintor, ibagas Jahowa, anjaha puji nasiam ma goran-Ni na pansing in. [1227]