Read Batak Simalungun PSALMEN 98 Bible Online

PSALMEN 98 - Batak Simalungun bible

PSALMEN 98

¹Sada Psalm. Dodingkon nasiam ma sada doding na bayu bani Jahowa, ai Ia do sibahen halongangan; tangan siamun-Ni do na mangurupi-Si, sonai age botohon-Ni na pansing in. [1228]

²Domma ipabotohkon Jahowa hatuahon-Ni, i lobei ni bangsa-bangsa ipatalar do hapintoron-Ni.

³Idingat do idop ni uhur-Ni ampa hasintongan-Ni bani ginompar ni Israel. Ganup ujung ni tanoh on mangidah haluahon na humbani Naibatanta. [1229]

⁴Olobkon ma Jahowa, ale sab tanoh on, marmogah-mogah ma, marsurak anjaha mandoding ma nasiam!

⁵Puji ma Jahowa marhasoman husapi, marhasoman husapi ampa doding na gomos,

⁶marhasoman tarompit pakon sora ni tanduk, marsurak ma i lobei ni Raja Jahowa. [1230]

⁷Mardorom ma laut pakon sagala isini, sonai dunia on ampa na mangiankonsi. [1231]

⁸Martopap-topap ma bah mardalan, marolob-olob ma rap-rap sagala dolog, [1232]

⁹i lobei ni Jahowa, ai roh do Ia laho manguhum tanoh on. Uhumon-Ni ma dunia on marhitei hapintoron ampa sagala bangsa marhitei hasintongan. [1233]