Read Batak Simalungun PSALMEN 99 Bible Online

PSALMEN 99 - Batak Simalungun bible

PSALMEN 99

¹Jahowa do Raja, hitir ma sagala bangsa; marhotak do Ia bani herubim, dugur ma tanoh on. [1234]

²Banggal do Jahowa i Sion, anjaha timbul do Ia i atas ni sagala bangsa. [1235]

³Ipuji sidea ma goran-Mu na timbul anjaha matunggung in! Pansing do Ia! [1236]

⁴Ham Raja siparkuasa, sihaholongi uhum, Ham do patotapkon uhum; Ham do na pamasa hapintoron pakon uhum bani Jakob. [1237]

⁵Pagijang nasiam ma Jahowa Naibatanta in, manrogop ma nasiam bani sidogeian ni nahei-Ni! Pansing do Ia. [1238]

⁶Si Musa pakon si Aron, na i tongah-tongah ni malim-Ni, ampa si Samuel na i tongah-tongah ni na mandilo goran-Ni, dilo-dilo do sidea bani Jahowa, jadi ibalosi do sidea. [1239]

⁷Humbagas hombun na jongjong do Ia marsahap bani sidea; idalankon sidea do hasaksian-Ni, ampa titah na binerehon-Ni bani sidea. [1240]

⁸Ham Jahowa Naibatanami, ibalosi Ham do sidea, Naibata parontou ni uhur do Ham bani sidea, age pe Siparlulu Ham bani salah ni sidea.

⁹Pagijang nasiam ma Jahowa Naibatanta, manrogop ma nasiam bani dolog-Ni na pansing in! Tongon, pansing do Jahowa Naibatanta.