Read Batak Simalungun PODAH 18 Bible Online

PODAH 18 - Batak Simalungun bible

PODAH 18

¹Halak na papulig dirini, sisuhuni rosuhni sandiri, siimbang sagala uhur hapantason do ai.

²Seng marosuh halak na bodoh bani habotohon, tapi pitah bani na patugah-tugahkon pingkiranni do hansa.

³Anggo masa hajahaton, roh ma hahirion, anjaha habadoron do mangihut bani horja hasamboron.

⁴Bah na bagas do sahap ni pamangan ni jolma; bah tubuh hapentaran, bah na mardalan do ai.

⁵Seng dear mangapiti halak parjahat, laho mansalahkon halak parpintor ibagas paruhuman. [275]

⁶Bibir ni halak na bodoh paroh paringoran, anjaha pamanganni dilo-dilo do bani lonsing-lonsing. [276]

⁷Pamangan ni halak na oto hamagouan do ai bani, anjaha bibirni, siding bani dirini. [277]

⁸Hata ni siparhusip-husip mantin-mantin do ai, anjaha masuk-masuk hubagas uhur. [278]

⁹Halak na lansei bani horjani, dos do ai pakon halak siparseda dirini. [279]

¹⁰Benteng na toguh do goran ni Jahowa, haporusan do ai bani halak parpintor, gabe seng mahua be. [280]

¹¹Arta ni halak na bayak, huta na pinatoguh do ai bani, anjaha tembok na gijang do ai, ninuhurni. [281]

¹²Anggo lape madabuh, gijang do uhur ni jolma, tapi toruh ni uhur do parlobei ni hamuliaon. [282]

¹³Halak na mintor marsampang, hape lape torang ibogei, haotoon do ai bani anjaha habadoron.

¹⁴Tonduy na hinsah mambahen tahan halak manaron, tapi uhur na mandolei, ise ma na boi pahisar ai? [283]

¹⁵Uhur ni halak na pantas jumpahan habotohon, anjaha pinggol ni halak na maruhur pindah-pindah bani hapentaran.

¹⁶Sibere-bere ni jolma do palumbang langkah-langkahni, anjaha ai do manogu-nogusi hu lobei ni halak na sangap. [284]

¹⁷Songon na pintor do halak, na parlobei mangadu-adu bani parkarani, paima roh imbangni na mansalahkonsi.

¹⁸Marjomput na sinurat mangujungi parsalisihan, anjaha mambahen haputusan bani paringoran ni halak na gogoh. [285]

¹⁹Sanina na hona tipu, songon benteng na so tardohori do ai, anjaha parsalisihan songon pating-pating situtup rumah bolon.

²⁰Humbani buah ni pamanganni do bosur boltok ni halak, bosuran do ia ibahen buah ni bibirni. [286]

²¹Hamatean barang hagoluhan marguru bani kuasa ni dilah do, anjaha halak na mambotoh manramotkonsi, ai do na mangankon buahni. [287]

²²Halak na dapotan parinangon, jumpahan na madear do, jumpahan idop ni uhur do ia humbani Jahowa. [288]

²³Mangelek do sahap ni halak na masombuh, tapi halak na bayak koras do parsampangni.

²⁴Adong do hasoman na parsedahon, tapi adong do homa hasoman na sangkanan humbani sanina. [289]