Read Batak Simalungun PODAH 30 Bible Online

PODAH 30 - Batak Simalungun bible

PODAH 30

¹Hata ni si Agur, anak ni si Jeke, na hun Massa. Nini halak ai, “Domma loja ahu, ale Naibata, domma loja ahu, angkulangku pe domma hurleh.

²Tongon ahu do siotoan humbani jolma, anjaha seng dong panimbangion ni jolma bangku.

³Seng ongga huguruhon hapentaran, anjaha seng dong habotohon bangku pasal Na Pansing in.

⁴Ise ongga naik hu nagori atas anjaha tuad use hunjai? Ise ongga patumpu logou bani tanganni? Ise boi mambaluti bah ibagas hiou? Ise do na pajonamkon haganup tampakan ni tanoh on? Ise do goranni, anjaha ise do goran ni anakni? Ibotoh ho do ai?” [482]

⁵Haganupan hata ni Naibata pitah do, gantar do Ia bani sagala na marhaporusan Bani. [483]

⁶Ulang tambah-tambahi hata-Ni ai, ase ulang hona pinsang ho, anjaha tardapot ho parladung. [484]

⁷“Dua do na hupindo hun Bamu, ulang ma lang ibere Ham ai bangku, paima lape matei ahu.

⁸Padaoh Ham ma humbangku uhur sipakulah-kulah pakon hata ladung. Ulang ma bere Ham bangku hamiskinon atap habayakon, tapi bere Ham ma bangku sipanganon ansa na porlu, [485]

⁹ase ulang, anggo marlobih-lobih ahu, huporsou Ham, anjaha huhatahon, ʻIse Jahowa?ʼ Ase ulang, anggo masombuhtu ahu, manangko ahu, gabe sambor hubahen goran ni Naibatangku.” [486]

¹⁰Ulang ma pasambor-sambor jabolon bani tuanni, ase ulang iburai ho, gabe seda ho.

¹¹Adong do halak na mamurai bapani: anjaha na so pasangap inangni.

¹²Adong do halak na mangagan borsih sidea, tapi dungutni pe lang iusah.

¹³Adong do halak parmata na toal, na pamiut-miut salibonni hu atas. [487]

¹⁴Adong do halak paripon na songon podang, parngadol na songon pisou, laho mamondut halak na madoyuk hun tanoh on pakon halak na masombuh hun tongah-tongah ni hajolmaon.

¹⁵Dua boru ni lintah mangkatahon, “Bere, bere.” Tolu seng tarbosuri; ompat seng ongga mangkatahon, “Sungkup ma!”

¹⁶Ai ma nagori toruh pakon harambuyon na lambang, tanoh na so ra bosur bani bah ampa apuy na so ongga mangkatahon, “Domma sungkup.”

¹⁷Mata ni halak na mapas bani bapani, anjaha ipahiri inangni na dob ubanon, paguton ni kawak na i topi bah do ai, anjaha panganon ni anak ni haluhuy. [488]

¹⁸Na tolu on halongangan do bangku, anjaha na ompat on seng tararusi ahu: [489]

¹⁹Ai ma parhabang ni manuk-manuk nanggordaha i awang-awang, pardalan ni ulog bani dolog batu, pardalan ni kapal i tongah laut ampa parsaoran ni dalahi bani naboru,

²⁰Sonon do parlahou ni boru jalang: Mangan do ia anjaha iapusi babahni, nini: seng dong hubahen na jahat.

²¹Halani na tolu masam on do dugur tanoh, anjaha halani na ompat on seng tahan ia.

²²Halani jabolon, anggo gabe raja ia, halani halak na oto, anggo marlobih-lobih ia; [490]

²³halani naboru na niapasan hape adong na mambuatsi ampa halani jabolon naboru na manoluk kuasa ni tuanni. [491]

²⁴Adong do ompat na etek-etek i tanoh on, tapi pandei tumang.

²⁵Ai ma porkis sada hulanan na so margogoh, tapi ipasirsir sidea do bohalni bani musim milas; [492]

²⁶ampodi, ai ma binatang na so margogoh, tapi ipauli do rumahni bani dolog batu; [493]

²⁷balang, seng marraja, tapi atur do sidea marhulan-hulan misir;

²⁸boraspati, na boi tangkapon ni tangan, tapi bani lopou ni raja marianan.

²⁹Adong tolu na tanggung panlangkahni, ompat na jenges pardalanni:

³⁰Ai ma singa, sigogohan humbani sagala binatang, na so ongga surut hun lobei ni atap aha pe,

³¹huda panjangan, hambing bajar pakon raja, na manlangkah i lobei ni balani. [494]

³²Atap maoto ho, marhitei na ipagijang ho dirimu, barang ipingkiri ho na masambor, tutup ma lah pamanganmu bani tanganmu!

³³Ai dadih na ginunsang-gunsang manjadi mantega, igung na niantuk gabe tarngurngur, anjaha gila na pinuhoan patubuh paringoran.