Read Batak Simalungun DODING NI DODING 8 Bible Online

DODING NI DODING 8 - Batak Simalungun bible

DODING NI DODING 8

¹Porini botouhu ham, na minum humbani bagod ni inang. Anggo jumpah ahu ham i darat, summahonku do ham, anjaha ise pe lang na mangkata.

²Arahkononku ma ham anjaha boanonku hu rumah ni inang, hubagas kamar ni na mantubuhkon ahu. Bereonku ma ham minum anggur na irarui, bah ni buah dalima. [58]

³Sai tangan sambilouni ma mangkalang ulungku, tangan siamunni manrohop ahu. [59]

⁴Hupabija ma nasiam, ale boru Jerusalem, ase ulang iganggu atap ipuhoi nasiam na marsihaholongan ronsi sombuh uhurni. [60]

⁵Ai ise do ai tangkog hun halimisan, mangunsandei bani haholonganni? I toruh ni hayu untei manis do hupuhoi ho. Ijai do inangta mangarou ham, ijai do ia mangarou mantubuhkon ham.

⁶Bahen ma ahu gabe tintin pansap bani tontonmu, gabe tintin pansap bani tanganmu! Gogoh do holong ai songon hamatean, golgol songon nagori toruh do oji ni uhur ai. Gajag do ai songon gara ni apuy, jimbur-jimburni songon jimbur humbani Jahowa. [61]

⁷Seng tarintopi bah banggal holong, barang tarayubkon bah mabaor ia. Porini pe ibere halak ganup arta na adong i rumahni mambuat holong ai, hona apasan do ia ijai. (1 Kor. 13)

⁸Adong do sada botounami na etek-etek, seng dong ope adopni. Aha do bahenonnami bani botounami, anggo roh hata ni halak bani?

⁹Ambit tembok ia, pajongjongonnami do i atasni tayub pirak, anjaha ambit labah ia, runggaonnami do ia bani papan hayu ares.

¹⁰Tembok do ahu anjaha songon menara do adopku. Dapot panonggorni do ahu, songon halak na jumpahan tuah.

¹¹Adong do bani si Salomo sada pohon anggur i Baal-Hamon, iondoskon do pohon anggur ai bani halak si parjaga; ganup maningon mambere saribu sekel pirak boli ni buahni ai. [62]

¹²Ia pohon anggurhu, ahu tumang do simadasi; bamu ma, ale Salomo, sisaribu sekel pirak ai, anjaha dua ratus bani si parjaga buahni ai.

¹³Ham ale na marianan bani pohon ai, manangi-nangi do huan-kuanku bani soramu; pabogeihon ma soramu bangku. [63]

¹⁴Papodas ma, ale haholonganku; usih bani balua ma ham, bani ursa na maposo i atas ni dolog rium-riuman. [64]