Read Batak Simalungun JESAYA 12 Bible Online

JESAYA 12 - Batak Simalungun bible

JESAYA 12

¹Anjaha hatahononmu ma bani ari ai, “Sihol do pujionku Ham ale Jahowa, ai dob igilai Ham ahu, surut do ringis-Mu anjaha iapohi Ham do ahu.

² Tonggor ma, Naibata do haluahon bangku, tenger do uhurhu anjaha seng mabiar ahu; ai Tuhan Jahowa do gogohku pakon dodingku, anjaha Ia do gabe hatuahon bangku. [130]

³ Jadi marmalas ni uhur ma nasiam manahui bah humbani bah tubuh haluahon. [131]

⁴Hatahon nasiam ma bani ari ai, ʻPuji ma Jahowa, dilo ma goran-Ni, patugah nasiam ma pambahenan-Ni i tongah-tongah ni bangsa-bangsa, ingat nasiam ma, timbul do goran-Ni tongon.ʼ [132]

⁵Mandoding ma nasiam bani Jahowa, ai banggal do na binahen-Ni; sai tarbarita ma on i sab tanoh on.

⁶Marsurak anjaha marolob-olob ma nasiam na marianan i Sion, ai banggal do i tongah-tongah nasiam Na Pansing ni Israel.”