Read Batak Simalungun JESAYA 34 Bible Online

JESAYA 34 - Batak Simalungun bible

JESAYA 34

¹Roh ma hanima ale sipajuh begu-begu anjaha tangar ma hanima pe, ale bangsa-bangsa, bogei ma! Manangi ma tanoh ampa ganup isini, dunia on pakon sagala na tubuh ijin.

²Ai marringis do Jahowa bani ganup sipajuh begu-begu, anjaha manggila bani ganup bala ni sidea. Hona papa do sidea anjaha iondoskon do sidea hu panayatan.

³Marsampakan do halak na rasei humbani sidea, muap do bau ni bangkei ni sidea, anjaha dolog malala ibahen daroh ni sidea.

⁴Masab do haganup bala ni langit, anjaha igulung songon pustaha langit ai, ganup balani hurleh, songon parmelus ni bulung ni hayu anggur, songon parrurus ni bulung ni hayu ara. [315]

⁵Tongon, mabuk do podang-Ku i nagori atas, tonggor ma, turun do ai bani Edom, bani bangsa na pinapaan-Ku laho manguhum ai. [316]

⁶Podang ni Jahowa gok do ibahen daroh, marlimur ibahen taboh-taboh, ibahen daroh ni biribiri ampa hambing tunggal, ibahen taboh-taboh ni piah-piah ni biribiri tunggal. Ai Jahowa do na mangadongkon panggalangan i Bosra ampa panambolihan banggal i Edom. [317]

⁷Anjaha tompas do lombu jalang rap pakon sidea, sonai lombu ampa lombu jonggi, marbah do tanoh ni sidea ibahen daroh, anjaha marlapu-lapu tanohni ibahen taboh-taboh.

⁸Ai Jahowa do na pamasa ari pambalason, tahun marlulu bani Sion. [318]

⁹Mubah do bah ni Edom gabe asal, ladangni gabe hirtah, anjaha tanohni gabe aspal na gara. [319]

¹⁰Borngin age arian seng miloh ai, ronsi sadokah ni dokahni do martimpul timusni; marsundut-sundut do tarulang ai, ronsi sadokah ni dokahni, seng dong na montas hunjai. [320]

¹¹Sitanda ulog ampa landak do simada ai, langkupa ampa kawak do marianan ijai, ai Jahowa do na pagistang sibar-sibar hasedaon ampa tali dondon halungunon i atas ni. [321]

¹²Seng dong be raja sipabangkiton ijai, anjaha ganup na sangap-sangap ni sidea gabe na lang.

¹³Tubuhan tatada do istanani, latong pakon suga-suga do ibagas bentengni; gabe ianan ni sorigala do ai, panggagatan bani burung unta. [322]

¹⁴Pajumpah do ijai binatang halimisan ampa sorigala, anjaha setan-setan samah setan-setan; tongon, begu borngin do marianan ijai, jumpahsi do parsaranan ijai. [323]

¹⁵Marasar do ijai ulog darih, martolur anjaha iposahi bani na linggom; tongon, marurup do ijai kawak, marsiarah-arahan.

¹⁶Pareksa hanima ma buku ni Jahowa, basa ma: Sada pe lang na tading humbani sidea, sada pe lang na telpang. Ai pamangan-Ni do na mangkatahon ai, anjaha tonduy-Ni do na patumpu-tumpuhon sidea. [324]

¹⁷Ia sandiri do mandabuh ruji-ruji bani sidea, anjaha tangan-Ni do na mambagihon tanoh ai bani sidea marhitei sibar-sibar; ronsi sadokah ni dokahni do sidea manean ai, anjaha marsundut-sundut do sidea marianan ijai.