Read Batak Simalungun JESAYA 4 Bible Online

JESAYA 4 - Batak Simalungun bible

JESAYA 4

¹Bani ari ai jorotan ni pitu naboru ma sada dalahi, nini, “Sipanganonnami pe ipangan hanami, anjaha hanami mansarihon parhiouonnami, asal ma marpanggorani bamu hanami; padaoh ham ma habadoron hun bennami.” [45]*

² Bani ari ai jenges anjaha marmulia ma tunas ni Jahowa, anjaha gogoh ni tanoh in gabe hasangapon ampa hajagaron ma bani na maluah humbani Israel. [46]*

³Jadi sagala na tading i Sion anjaha na teba i Jerusalem, goranon ma sidea na ma pansing, ai ma sagala halak na dob tarsurat hu hagoluhan i Jerusalem, [47]*

⁴ai ma dob iburihi Jahowa dungut humbani boru Sion, anjaha iayubkon utang daroh ni Jerusalem hun tongah-tongahni marhitei tonduy panguhumion ampa tonduy na mammosogkon. [48]*

⁵Jadi adongkonon ni Jahowa na i babou ni sab Dolog Sion ampa i babou ni ganup partumpuanni hombun arian pakon timus ampa sondang ni apuy na gara borngin; tongon, i babou ni haganupan ai hasangapon ni Jahowa do pangondingi ampa panlinggomi; [49]*

⁶gabe parlinggoman ma ai arian humbani na milas, anjaha gabe haporusan ampa panisioan humbani haba-haba ampa udan. [50]