Read Batak Simalungun JEREMIA 45 Bible Online

JEREMIA 45 - Batak Simalungun bible

JEREMIA 45

¹On do hata, na hinatahon ni Nabi Jeremia hubani si Baruk, anak ni si Neriya, sanggah na sinuratni hata on ibagas sada buku domu hubani pangkatahon ni si Jeremia, ai ma paompat-tahunkon dob raja si Joyakim, anak ni si Josia, raja ni Juda, nini, [543]

²“Sonon do hata ni Jahowa Zebaot, Naibata ni Israel hu bam, ale Baruk,

³ʻIhatahon ho: Magou ma ahu! Ai itambahi Jahowa ope pusok ni uhur bani naboritku; loja do ahu halani hoih-hoihku, anjaha seng dapotan parsaranan ahu!ʼ

⁴Sonon ma hatahon bani, ʻSonon do hata ni Jahowa: Tonggor ma, na dob Hupauli, Huparseda do, na dob Husuan, Hudokdok do, ai ma haganup tanoh in.ʼ

⁵Naha ho, pindahanmu ope habanggalon bam? Ulang ma pindahi, ai tonggor ma, parohon-Ku do hamagouan bani sagala daging, nini Jahowa; tapi berehonon-Ku do bam hosahmu songon upah taban-taban bani sagala ianan siparayakonmu.” [544]