Read Batak Simalungun HOSEA 6 Bible Online

HOSEA 6 - Batak Simalungun bible

HOSEA 6

¹“Eta, mulak ma hita bani Jahowa! Tongon, Ia do na mamparsilbak, tapi Ia do na pamalum hita; Ia do na mangugahi, tapi Ia do na manambari hita. [45]

²Dob dua ari pagoluhon-Ni do hita, patolu-arihon ipapuho do hita, ase manggoluh hita i lobei-Ni. [46]

³Botoh hita ma anjaha haringgaskon hita ma na manandai Jahowa; sai na poltak do Ia songon buha siang ari, sai na roh do Ia banta songon udan, songon udan mula-mula na mangarbahi tanoh.” [47]

⁴“Aha do tarbahen Ahu bam, ale Efraim? Aha do tarbahen Ahu bam, ale Juda Ai songon hombun sogod-sogod do holongnima, songon namur na podas habang. [48]

⁵Halani ai Hubogbog do sidea marhitei nabi-nabi, Hubunuh marhitei hata na humbani pamangan-Ku ase poltak uhur-Hu songon haliharon. [49]

⁶Ai idop ni uhur do na Huharosuhkon, sedo galangan, panandaion pasal Naibata, sedo galangan situtungon. [50]

⁷Igalar sidea do padan i huta Adam; mangosei do sidea ijai hu Bangku. [51]

⁸Gilead ai ma huta ni halak sihorjahon hajahaton, gok bokas ni daroh.

⁹Songon panamun na manggompangi halak, sonai do hulanan ni malim-malim; mamunuhi do sidea bani dalan na laho hu Sikem, tongon, mangkorjahon hasamboron do sidea.

¹⁰I Betel Huidah do na majangin ijai, ijai do parriah-riahon bani Efraim, hona butakan do Israel. [52]

¹¹Ho pe ale Juda, sisabion ma!” [53]